«Көлік-логистика секторын дамыту – стратегиялық мәні айрықша басымдық. Еліміз Еуразия құрлығының дәл ортасында орналасқан. Бұл – бізге әлемдік бәсекеде зор мүмкіндік беретін артықшылық.

Сондықтан көлік инфрақұрылымына салынып жатқан әрбір инвестиция өзін-өзі ақтайтыны сөзсіз. Біз кейінгі ұрпаққа жоғары сапалы авто және теміржолдарды қалдыруымыз керек. Сондай-ақ тиімді жұмыс істейтін әуе хабтарын, теміржол бекеттері мен теңіз порттарын салуымыз қажет. Бұл ретте бірқатар кешенді мәселені шешкен жөн», - дейді Мемлекет басшысы Қасым-Жомарт Тоқаев биылғы «Әділетті Қазақстан: заң мен тәртіп, экономикалық өрлеу, қоғамдық оптимизм» атты халыққа арнаған Жолдауында.

Кентау қаласында жол құрылысы саласында атқарылып жатқан жұмыс ауқымы кең. Кентау қаласы әкімінің орынбасары Нұрбол Нұралыұлының айтуынша, биыл Кентау қаласына қарасты ауылдарда ұзындығы 13,8 шақырымды құрайтын 14 көшеге орташа жөндеу жұмыстары жүргізілген. Салынған жолдардың сапасына сынама алу жұмыстарын жүргізуге «Жол активтері Ұлттық сапа орталығы» ШЖҚ РМК Түркістан облысы филиалымен шарт жасалынып, тұрақты бақылауға алынған.

- Мемлекет басшысы Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында көлік-логистика секторын дамыту – стратегиялық мәні айрықша басымдық екенін атап өтті. «Еліміз Еуразия құрлығының дәл ортасында орналасқан. Бұл – бізге әлемдік бәсекеде зор мүмкіндік беретін артықшылық. Сондықтан көлік инфрақұрылымына салынып жатқан әрбір инвестиция өзін-өзі ақтайтыны сөзсіз. Біз кейінгі ұрпаққа жоғары сапалы авто және теміржолдарды қалдыруымыз керек. Сондай-ақ тиімді жұмыс істейтін әуе хабтарын, теміржол бекеттері мен теңіз порттарын салуымыз қажет. Бұл ретте бірқатар кешенді мәселені шешкен жөн» дейді Президент Жолдауында. Бұл бағытта Түркістан обылысында, соның ішінде Кентау қаласында көлік-логистикасын жақсарту бағытында қолға алынған жоспарлар мен атқарылған жұмыстар да баршылық. 

Президентіміз «Автокөлік жолдарының жай-күйі – өзекті мәселе. Мен бұл туралы осыған дейін де айттым. Биыл елімізде 12 мың шақырымға жуық жол салынып, жөнделіп жатыр» деп атап өткендей, сол жол құрылысы біздің аймақта да мақсатты атқарылуда. Жалпы осы жылдың қорытындысымен жақсы және қанағаттанарлық жағдайдағы жергілікті маңызы бар автожолдардың үлесін – 99 пайызға, ал елді мекен көшелері бойынша бұл көрсеткішті 87 пайызға жеткізу межеленіп отыр, - дейді әкім орынбасары. 

Ал «Жол активтері Ұлттық сапа орталығы» ШЖҚ РМК Түркістан облысы филиалының директоры Ғалымжан Әмірбекұлы Кентау қаласында салынған жолдардың сапасының құрылыс талаптарына сай орындалғанын, дегенмен алдағы уақытта қала билігі орташа жөндеу жұмыстары барысында жол сапасына аса көңіл бөлу қажет деп санайды.  

- Бүгінгі таңда, тиісті уәкілетті мемлекеттік органдармен бірлесіп 2024-2025 жылдарға «Облыстық, аудандық және елді мекендердің автомобиль жолдарында қозғалыстың шектелуі кезіндегі өзара іс-қимыл бойынша Жол картасы» әзірленіп, бекітілді. Бұл жол картасы аясында автожолдарды қысқы күтіп ұстау үшін мердігер мекемелерді анықтай отырып, қажетті инертті материалдар қорын жоспарға сәйкес толық әзірлеу, өндірістік базалары мен бокстарды, жол техникаларын қыс мезгіліне дайындау жұмыстары жүргізілді. Сонымен қатар, жол қозғалысы қауіпсіздігін қамтамасыз ету мақсатында аса қажетті жол телімдеріне, тау асулары мен өрлерге, қарқынды қозғалысты қиылыстарға, теміржол өтпелері мен аялдамаларға тайғақтыққа қарсы материалдарды алдын ала жеткізілді. Сондай-ақ қыс айларында қолайсыз ауа-райы салдарынан автожолдарда төтенше жағдайлардың орын алуының алдын алу және жедел шаралар қабылдау мақсатында, мердігер ұйымдармен қысқы күтіп ұстауға қосалқы техникаларды тарту бойынша ниет ету келісім-шарттарын жасалды. Тапсырыс беруші және мердігер ұйымдар тарапынан тәулік бойы кезекшіліктікті ұйымдастыру шаралары жүргізілуде, - дейді «Жол активтері Ұлттық сапа орталығы» ШЖҚ РМК Түркістан облысы филиалының директоры Ғалымжан Әмірбекұлы.