Мемлекет басшысы Қасым Жомарт Кемелұлы Тоқаевтың «Тәуелсіздік бәрінен қымбат» атты бағдарламалық мақаласындағы ұлттық құндылықтарды жас ұрпақтың арасында кеңінен насихаттау және білім алушылардың ғылымға деген қызығушылығын арттыру мақсатында Астана қаласында республикалық "Bılım orkenıetı" ұлттық инновациялық ғылыми-зерттеу орталығының ұйымдастыруымен «Үздік ғылыми жоба авторы» республикалық байқау өткізілген болатын. 

Аталған байқауға Кентау қаласының білім бөліміне қарасты М.Әуезов атындағы №22 мектеп гимназиясының 10-сынып оқушысы Тасполат Марғұлан қатысып, І-дәрежелі дипломды иеленді. Марғұлан, қоғамдық-гуманитарлық бағытта ағылшын тілі пәнінен «Simplification of mastering a foreign language» атты тақырыпты қорғады. Жетекшісі: Қалымбетова Маржан Жандарбекқызы.

Сонымен қатар, Отырар ауданы, Р.Бердібай атындағы жалпы білім беретін мектеп оқушылары осы байқауда өз жұмыстарымен топ жарып, шығармашыл ұстаз Өте Жаннанның жетекшілігімен 10-сынып оқушысы Жақсылық Інжу, 8-сынып оқушысы Маханбет Қасым, 6-сынып оқушысы Каменова Нұрлы «Үздік ғылыми жоба авторы» төсбелгісі, статуэтка және І-дәрежелі дипломмен сондай-ақ, «Үздік ғылыми жоба жетекшісі» аталымымен марапатталды. Ғылыми жоба жетекшілері: Өте Жанна және Сыздықова Жазира.