Үшінші мегаполисте  Қонаев даңғылы жалғасының құрылысы жүргізілуде. Аталған нысан жалпы 18,1 шақырым және жеті учаскеден тұрады. Шымкент қаласының әкімі Мұрат Әйтенов құрылыс нысанының II III кезеңдері бойынша жүргізіліп жатқан құрылыс барысын тексерді.

Құрылыстың екінші кезеңі бойынша ұзындығы – 1,7 шақырым. Аталған нысан бойынша мемлекет мұқтажы үшін алынған 20 үйді сүру жұмыстары жүргізілді.

Жобада  Әйтеке би көшесімен ұзындығы 600 метр жол асты өткелі бөлігі қарастырылған. Құрылыс аумағына түсетін жер телімдерін мемлекет мұқтажына алу жұмыстарын оңтайландыру маңызды іс.

Қонаев даңғылы жалғасының  үш кезеңі Төрешкова мен Бөгет көшесіне дейінгі аралықты алады. Шымкент қаласындағы жол кептелісіне едәуір әсер ететін бұл даңғылдың құрылыс жұмыстары «КазахДорСтрой» ЖШС -гіне жүктелген.

Жалпы ұзындығы алты жолақты 0,561 шақырымды, жолдың ені 42 метрді құрайды. Бүгінгі таңда, 700 м екі бағытты айналма темір жолын, 948 м кәріз құбырын салу, 3,4 шқ. кабель желілері, 24 темір жол электр бағаналарын және 2 дана жер асты жаяу жүргіншілер өткелдерін орнату, темір жол өткелінің 24 дана свай құю, 12000м3 жер  жұмыстары және екі дана темір жол көпірінің негізін құю жұмыстары орындалды.

Қазіргі уақытта, тіреу қабырғаларын құю, инженерлік желілердің орнын ауыстыру мемлекет мұқтажына алынған үйлерді сүру, жұмыстары жүргізілуде.

Қала басшысы қалалық жолаушылар көлігі және автомобиль жолдары басқармасының басшысына сапаны сақтай отырып жұмысты барынша жеделдету амалдарын ойластырып, бұл бағытта барлық қолайлы жағдай жасауды міндеттеді.