Шымкентте Президент Қасым-Жомарт Тоқаевтың тапсырмасына сәйкес халықпен кері байланыс орнату  жүйелі түрде іске асып келеді. Бұл мәселе қала әкімі М.Әйтеновтің де ұдайы назарында. Осыған орай  қала тұрғындары әлеуметтік мәселелерін шешу үшін өзі тұратын аудан әкімдігіне жүгіне алады.  Әл-Фараби ауданының әкімі Рашид Мыңбаев кестеге сәйкес "Ашық әкімдік"жоюасы аясында тұрғындарды жеке қабылдады.

Қабылдау кезінде тұрғын  Х.Жандарбеков «Сәуле» мөлтек ауданындағы мазараттың шекарасы турасында  айтты.  Әкім қазір  аталған аймақта  жерге орналастыру жұмыстары жүргізілуде екендігін, алдағы уақытта  жер учаскесінің аумағында орналасқан тұрғын үйлер және кәсіпкерлік нысандар бойынша нақты шаралар қолданылатындығын жеткізді.

Ал тұрғын  П.Назанова Қырғы базардың алдындағы жабайы сауданың жабылуына байланысты уәжін білдірді. Алайда аудан әкімі ҚРӘҚБтК-нің 204 бабына сәйкес, белгіленбеген орындарда сауда жасауға болмайтынын, аяқ жолда сауда-саттық жасау жаяу жүргіншілерге кедергі келтіретінін түсіндірді.

Сондай-ақ, Бостандық көшесінің тұрғыны А.Айбекова тұрғылықты жерінде жүргізіліп жатқан құрылыс жұмыстары кезінде бұзылған қоршауын қалыпқа келтіріп беруін сұрады. Аудан әкімі бұл мәселенің  қалалық  Жолаушылар көлігі және автомобиль жолдары басқармасына жолданатынын жеткізді. 

Айта кетейік, тұрғындар аудан әкімнің жеке қабылдауына жазылу үшін Әл-Фараби әкімдігіне  келіп алдын-ала өтініш қалдыруы тиіс. Басшылар алдағы уақытта да әрдайым халықпен кері байланыс орнатылып, тұрғындарды уәждері жерде қалмайды деп отыр.