Уәлибек Әбдіраимов «Уақыт көрсетеді» бағдарламасына берген сұхбатында, Қайрат Нұртастың өткенінен сыр шертіп, анасының өнер жолына қалай шығарғанын айтып берді, деп жазды Oinet.kz

"Қайрат Нұртастың 9-10 сынып оқитын кезі. Анасы баласын әнші жасағысы келді. Менің концертіме шығу үшін, "Шаншардың" билетін сататын. Ол кезде Гүлзира базарда істейді. "Шаншарды" көп ешкім тани бермейтін кезі еді. Сол жерде 50, 100 билетін өткізетін. Ол кезде бізде онша билет өтпейтін кез еді. Кейін біз де жұлдыз болып кеттік қой. Содан ол басында солай қатысатын. Басында бұлардың барлығы базарда істеген ғой", - дейді Уәлибек Әбдірайымов.  

"Бір күні бір әндер жаздырып келіпті. Сөйтсем, Досымжан Таңатаровтың "Құралай" әнін тағы бірнеше өлеңдері бар. "Тыңдаңызшы" дейді. Сол кезде мен айттым "Сені бір рет шығардым, енді шығаратын болсам, өз репертуарың болсын, дауысың жаман емес, репертуар таңдаңдар" дедім. Олар одан кейін жұлдыз болып кетті ғой", - дейді Уәлибек Әбдірайымов.