Жазира Байырбекова мен анасының фотосы көпшілікті сүйсіндірді (фото)
Қазақстандық белгілі әнші Жазира Байырбекова анасымен түскен суретін жариялап, ел жүрегін елжіретті. Желідегілер анасы мен қызының махаббатына тәнті болып, өз жылы лебіздерін білдіруде, деп хабарлайды Oinet.kz.
Жазира Байырбекова Instagram парақшасында анасымен түскен фотоларын жариялап, оқырмандарын бір қуантты. Өнер иесі анасын қатты құшақтап ұйықтап жатқан фотосын ел назарына ұсынып, ол туралы қызықты мәліметпен бөлісті.
Әншінің айтуынша анасы Алматыға балаларына келіп тұрғанымен, олардың қасында көп болмайды екен. Ол кісі бірнеше күннен соң, келінін сағынғандықтан өз үйіне қайтқысы келетінін айтатын болып шықты.
- Мамам Алматыға келсе “Шолпанымды сағындым, Шолпансыз ешқайда барғым келмейді” деп қайтуға асығады. Мұндай сабырлы,мейірімді келін әрбір ата-ененің бағы. Анамның жанында осындай алтын жеңгемнің болғаны үшін Аллаға шүкір! Ата-аналарыңызбен бірге тату-тәтті тұратын,шәйін құйып беретін келіндер мен жеңгелерден айналып кетесің, - деп жазды Жазира Байырбекова.
Сәйкес тақырыптар
