Танымал жазушы әншілер туралы жазатын журналистерді қатаң сынға алды

Oinet.kz 25-10-2020

Танымал жазушы Думан Рамазан Facebook-тегі парақшасында әншілер туралы жазатын журналистерді сынға алды. Оның айтуынша, біреудің өмірін, жүрген-тұрғанын жазу - сорлылық. Бұл туралы Oinet.kz тілшісі хабарлайды. 

Думан Рамазан.jpg

Құрметті журналистер, сендерге бір өтініш!

Мисыз, білімсіз әншілерден сұхбат алғанды қойыңдаршы! Оның уақыты өтіп кетті. Ол енді ешкімге қызық емес. Қайта адамның жүйкесіне күш түсіреді. Олар не айтады? Әрине, өз өмірін, жүрген-тұрғанын, кімге ғашық болғанын, кімнің алдап кеткенін... т.б осы тәрізді ұсақ-түйектерді сөз етеді. Біреудің өмірі кімге керек? Қызық па сол?.. Әлі де сол баяғы әнішлердің кіммен жүргені, бірінші әйелінен не үшін ажырасқаны, екінші әйелін неге тастап кеткені, үшінші әйелімен қалай танысып, бас құрағаны туралы хабарлар әлі де толастар емес. Немесе, "Бәтіркүл жас күйеуін көрсетті", "Сәтіргүл болашақ күйеуімен құшақтасып тұр". Болмаса, "ана әнші мына әншімен үйленеді екен?.." "Ана әншінің әйелі ұл немесе қыз тапты"... "Ана әншінің ұлы үйленіпті немесе қызы тұрмысқа шығыпты"... "Ана әншінің ұлы немесе қызы ажырасып кетіпті". "Төрәлінің қарындасы сұлу екен, күйеуге шығыпты"... "Қайрат Нұртастың келіншегі атасымен төсектес болыпты"... тағы сол сияқты өсек-аяңдар...

Мен қазір осындай хабарларды көрсем, жүрегім айнып, құсқым келеді. Сондай жиіркенішті! Соны қалай ұялмай айтады екен? Бірақ оларда қайбір ми бар дейсіз? Соны да мақтан көретін сияқты...

Құрметті журналистер, ондай арзан, жеңіл-желпі хабарларды қойып, елдік, ұлттық, халықтық мәселелерді көбірек жазыңдар, көбірек көтеріңдер, көбірек қаузаңдар!

Мен де он бес жылдай журналист болдым. Бірақ бір де бір рет біреудің өмірін, жүрген-тұрғанын жазған емеспін! Ол – сорлылық! Енді қойыңдар, ондай ұсақ-түйекті термелеуді доғарыңдар!

ЕСКЕРТУ: Жаңа лентадан "Айдарқұлов бірінші әйелінен неліктен ажырасқанын айтып берді" деген хабарды көзім шалып қалып, тағы да қаным басыма шапты...

Неткен сорлылық?!. - деп жазды Думан Рамазан. 

Дархан Нортаев қайын ағасы Төреғали Төреәлі туралы ойын айтты
Атышулы қалаулымдық ару бағдарлама барысында ұзатылды (видео)
Сәйкес тақырыптар
Көтерілу
×