Қазіргі кезде қан құю адам өмірін құтқару мақсатында жасалса, ертеректе оны тұрғындар жасару үшін жасаған екен. Жас адамдардың, әсіресе балалардың қанын құйса жасарып кетеміз деп сенген. Бірақ бұл процесті дәрігерлер жасырын түрде жүргізген. 

Белгілі болғандай, XV ғасырда өмір сүрген VIII Папа Иннокентий айықпас дертке душар болып, өлуге шақ қалады. Сонда патша бойындағы қанды түгел жаңартуды көздеп, он жасар балалардың қанын өзіне құйғызуды бұйырады. Билеушісінің бұйрығын екі етпеуге кіріскен көмекшілер елдегі балалардың қанын күштеп алуға кіріседі. Ал тым көп мөлшерде қанынан айырылған байғұс жас балалар шетінен өле берген. Көп ұзамай «қанішер» патша да көз жұмған.