Қораз Майк 1945 жылы американдық фермер оның басын кесіп тастағаннан кейін де бір жарым жыл өмір сүреді. Қораздың тек миының бір бөлігі мен құлағы ғана қалған. Фермер қораздың сонда да өлмей, тірі жүргеніне таң қалып, сүт пен дәнді тамшуыр арқылы беріп, оған қамқорлық жасауды ұйғарады. Кейіннен егесі мұндай қораздың барын бәрі көруі тиіс деп ойлап, оны елге көрсете бастайды. Қораз өте танымал бола шығады. Алайда осындай көрсетілімдердің бірінде фермер қораздың азығы мен шприцті ұмытып кетіп, қораз дүйім жұрттың көзінше өледі. Көптеген адамдар бұл тәжірибені қайталауға тырысты, бірақ бірде-бір басқа тауық басынан айырылғаннан кейін екі күннен артық өмір сүрмеген.