Көрнекі сурет ашық дереккөзден алынды

Компьютер қолданып отырған адамның кейде сұрағыңа жауап бермей, тіпті саған мән бермейтін сәттері болады. Кейде бірнеше минуттан кейін барып жауап беріп жатады. Шын мәнінде бұл да аурудың бір түрі екен.

Жақында Калифорния университетінің ғалымдары осыған байланысты зерттеу жүргізіп, қорытындысын шығарды. Нәтижесінде мұны компьютер әсерінен болатын «уақытша саңырау» ауруы деп атаған. Еріктілерге зерттеу жүргізген ғалымдар компьютерге назар салған адамның миы айналасындағы дыбыстарды көп қабылдамайтынын анықтаған. Яғни, мұндай сәтте адам миының дыбыс қабылдау бөлігі нашар жұмыс істейтін болып шыққан. Соның салдарынан адам уақытша саңырау болады екен.