Көзді жұмып ашу – қарап тұрсақ одан тез әрі қарапайым әрекет жоқ. Алайда бір рет көздің жыпылықтауының өзі орта есеппен 0,4 секунд аралығындағы уақытты қамтиды екен. Бұл сәт үш кезеңнен тұрады: алғашқысы – көздің жабылуы. Ол шамамен 75-90 – ға дейінгі мыңдық секундта жүзеге асырылады; келесісі – көздің толық жабылу кезеңі және тыныштық күйі 130-170 мыңдық секундта орындалады; соңғысы – көздің ашылуы 170 мыңдық секунд уақытты қамтиды. Салыстырып көрелік: Адам баласы көздерін бір рет жыпылықтатып үлгергенше ғарыштық ракета 4,4 километр жолды артта қалдырса, маса 200-240 рет қанаттарымен толық қағып үлгереді екен.