Жүрек ауруларын үй жағдайында мүлдем емдеуге болмайды, сол сияқты халык емімен де жүректі емдеген дұрыс емес, және аса қауіпті.. Бірінші кардиологка барып дұрыс диагоз қойып, дәрігер тағайындаған дәрілерді ішкен дұрыс. Жүрек ауруларының ішінде аса қауыіптілерілің ішіне аритмиялар жатады. Бұған кардиологтың өзі дәріні тағайындауда көп қателіктер жіберіп жатады. Сондықтан жүрек кеудеге симай тарсылдап, қан қысымы түсіп, адам естен танып немесе, әлсіреп жүруге шамасы келмей жатса, тез жедел жәрдем шақырған  дұрыс.

Жүректің емі

1. Жүрегі ауыратын адамға гүлшетен (сирень), терек, эвкалипт, долана исімен тыныстау аса пайдалы. Ол жүрек жұмысын жақсартады. 

2. Кешқұрым от басында алдыңызға мысық алып, сылап-сипап отырсаңыз, қан қысымыңыз төмендейді. 

3. Күндіз және ұйықтардың алдында ағаш арасында, әсіресе, емен тоғайда демалу пайдалы. 

4. Қабығымен қоса піскен картоп жеу керек. 

5. Жарты келі шүйгіншөп (валериана) қосылған ванна жүректің қағуын бәсеңдетіп, қалыпты жағдайға түсіреді.

6. Бір литр балға он лимон шырынын және қабығы аршылмаған он сарымсақ қосып қоспа дайындаңыз. Сосын оны шыны банкіге салып, бір апта аузын жауып қойыңыз. Осыдан кейін бұл қоспаны күніне бір рет төрт шай қасық көлемінде екі ай ішіңіз (өзі де сонша уақытқа жетеді). Дәрі қабылдайтын күндердің арасына үзіліс салмаңыз және шай қасық қоспаны асықпай бірінен соң бірін ішуге тырысыңыз. 

7. Демікпемен сырқаттанған толық, әлсіз адам былай жасауы керек. 400 грамм үгітілген сарымсақты лимонның шырынына араластырып, сонан соң ауызы кең банкіге құйып, сыртын дәкемен орап, 24 күн қояды. Содан кейін оны ұйықтар алдында стаканның жарты бөлігіне құйылған сумен күніне бір рет бір шай қасықтан ішіп тұру шарт. 

8. Жарты келі лимонды үккішпен үгіп жарты келі балға және өзегімен қоса ұнтақталған өрікке (абрикос) қосып араластыру қажет. Содан соң оны ертеңгісін және кешкісін бір ас қасықтан ішіп тұру шарт.

9. Жеті ас қасық долана жемісінің үстіне жеті стақан ыстық су құю керек. Содан соң оны бір тәулік бойы ыдысқа салып қою шарт. Бұдан кейін қоспаның арасындағы ісінген жеміс дәнін сығып, дәкемен сүзеді. Дайын болған шырынды мұздатқышқа қойып, аспен бірге күніне үш рет ішеді. 

10. Ми тамырларының атеросклерозына, қант диабетіне шалдыққанда бал қосылған жуа шырыны жақсы көмектеседі. Оны әр 1-3 сағат ішінде бір шай қасықтан ішеді. 

11. Атеросклероздың емі: балға теңбе-тең қосылған шал-қан шырыны. Оны ішуді жарты стақаннан бастап, бірте-бірте күніне екі стақанға жеткізу керек. 

12. Үккішпен бір бас сарымсақ пен лимонды қосып үгу керек. Қоспаға үй температурасындағы бір литр су құйып, жабық ыдыста екі тәулік ұстайды. Содан соң оны бір шай қасықтан үш мезгіл тамақтың алдында ішеді.

Табиғатпен жарастық табыңыз 

1. Сергек жүргің келсе, күніне екі рет табиғи суық суға шомыл. Оны ыңғайыңа қарай жаса. Болса көлге, сарқырамаға, астауға түс не құйын. 

2. Шомылар алдында не шомылғаннан кейін, мүмкіндік болса шомылу кезінде жалаң аяқ далаға шығып, жер басып тұр. Ал қыста тым болмаса 1-2 минут қар үстінде тұр. Бірнеше дүркін кеудені кере дем ал да, баршаға денсаулық тіле. 

3. Арақ атаулыны аузыңа алма, шылым шекпе. 

4. Аптасына бір рет: жұма күні сағат он екіге дейін ас-су ішпе. Егер бұл аз десең, бір тәулік шыда. 

5. Ашығып болғаннан кейін жексенбі күні сағат он екіде жалаң аяқ далаға шық та, кең дем алып, жоғарыда айтқандарды істе. Осыдан кейін өзіңе арналған дәмді ішіп-жеуге болады. 

6. Айналаңды қоршаған табиғатты сүй. Кез-келген жерге түкірме.

7. Көшеде барлық адаммен, әсіресе, қариялармен амандас. Денсаулығың мықты болсын десең, барша жұртқа амандық тіле. 

8. Сырқат жанға, кембағалға, жәбір көрген жанға көмектес. Оны шын ниетіңмен жаса, өзіңе дос табасың. Ынтымақтастық пен тату тіршілікке үлес қосасың. 

9. Өз бойыңдағы сараңдықты, жалқаулықты, өзімшілікті, тәкап- 

парлықты, үрейді жең. Адамдарға сен және сүй. Шындықты айт, әділ бол. 

10. Әлсіздік, ауру, өлім туралы ойлама.

Жүрек ауруларының кейбір белгілері асқазан ауруларына ұқсас.Сонымен қатар екеуі өте жақын орналасқан.Сондықтан дәрігерге қаралған дұрыс....