Абай облысында ауылдық округтің бұрынғы әкімі бюджет қаражатын жымқырғаны үшін сотталды.

Үржар ауданы прокуратурасы ауылдық округтің бұрынғы әкімі қоғамдық жұмыстарға бөлінген 500 мың теңгеден аса қаражатты жымқырғанын анықтаған.

Осылайша материалдар Сыбайлас жемқорлыққа қарсы іс-қимыл агенттігінің департаментіне жолданған.

Сот үкімімен бұрынғы әкім ҚК-нің 190-бабы (Алаяқтық) бойынша кінәлі деп танылды. Ол мемлекеттік қызмет атқару құқығынан өмір бойына айырылды, оған қоса бұрынғы шенеунікке 3 жыл 6 ай мерзімге бас бостандығынан айыру жазасы кесілді.

Үкім заңды күшіне енді. Мемлекетке келтірілген залал толық өтелді.