Денсаулығымыз бен сымбатымызды сақтау үшін қажет деп білетін әдеттер қай-қайсымыздың болмасын бойымыздан табылады. Олардың жемістерді жуу немесе тұрақты түрде спортпен шұғылдану сынды кейбірі, шындығында да, пайдалы болса, қайсыбірінің дұрыстығы мен пайдалылығы санамызда сандаған сауалдар туындатады.

Бұл орайда ешқандай пайдасы жоқ әдеттердің тізімін жасап, назарларыңызға ұсынғанды жөн көрдік.

Мультидәрумендер қабылдау

Мультидәрумендер мен түрлі биоқоспаларды қабылдау аурулардың пайда болуына әсер етпейді және алдын алмайды. Оған қоса есте сақтау және жұмыс қабілетіне де ықпалы жоқ. АҚШ ғалымдары бірнеше клиникалық зерттеу жұмыстарын жүргізгеннен кейін осындай тұжырым жасады. Зерттеу жұмысына 450 мыңнан аса адам қатысқан-ды. Ал нәтижесі, тіпті, мультдәрумендердің адам денсаулығына кері әсерін тигізетінін көрсеткен.