- Жұмыртқаны қайнатып жатқанда жарылып кетпеу үшін бір ас қасық тұз қосыңыз.

- Лимонды кесетін кезде шамалы уақытқа қайнаған суға салып қойсаңыз, жұпар исі мен дәмін ұзақ уақыт сақтайды. Әрі кеуіп кетпейді.

- Сүтті қайнатып жатқанда күйіп кетпеу үшін шамалы шекер қосыңыз. Шекер қосылған сүт ұзақ уақыт бұзылмайтынын ұмытпаңыз.Сүт пісіретін кастрөліңізді мұздай суға шайып алсаңыз да , сүтіңіз күймейді.

- Пышақты ыстық суға жумаңыз, өйткені өтпес болып қалуы мүмкін.

- Қуырылған балық дәмді болу үшін алдымен сүтке малытып алыңыз. Сонан соң ұнға аунатып өсімдік майына қуырыңыз.

- Лавр жапырағын ешқашан сорпада қалдырмаңыз. Бір қайнағаннан соң алып қоймасаңыз, тағамның дәмін бұзады.

- Тоңазытқыштың мұзын ерітіп, суын төккеннен кейін жылы суға ас содасын қосып жуып, іші әбден құрғағанша бір-екі сағат ашып қойған жөн. Сонда оған қойған тағамдар иістенбейді.

-  Жұмыртқаны ұзаққа сақтаудың сыры бар екен. Үшкір жағымен төмен сақталғанда жұмыртқа тоңазытқышта әлдеқайда ұзағырақ сақталатыны байқалған.

- Сорпаға тым көп тұз салып қойған жағдайда, оған бір ашылған картопты қосыңыз немесе дәкеге оралған күріш салыңыз.Картоп та, күріш те артық тұзды сіңіріп алады.

- Құймақ дәмді әрі әдемі болсын десеңіз, иленген ұнды бірден қолданбай, біраз уақытқа қойып қойыңыз.

- Балықты қуырар алдында ғана тұздаңыз.

- Кез келген көкөніс қайнап жатқан суға екі түйір қант салып жіберсе, ерекше дәм береді

- Балықтың жағымсыз исін кетіру үшін жақсылап жуып алыңыз да, екі сағатқа су құйылған кастрөлге салып қойыңыз. Оған 1 қасық сірке суын, 2 дана лавр жапырағы мен жарты пияз салыңыз.

- Қазанға ет салып оның көбігін алуды ұмытып кетсеңіз, үстінен бір стакан қайнаған су құйып жіберсеңіз көбігі қайтадан бетіне шығады