Үйдің таза болуы қашанда маңызды. Тазалық бар жерде ерекше көңіл-күйдің болары сөзсіз. Үйдегі әрбір заттың тазалығы маңызды орын алады. Ал раковинаның (шұңғылша) тазалығы бәрінен маңызды. Майда қоқыстар бірте-бірте жиналып, құбырды толтырады. Бұндай проблема болмасы үші сіздермен үй жағдайында раковинаны қалай тазалау керектігі жайлы кеңестерімізбен бөлісеміз. 

Ас содасы

Асханада болатын кез келген мәселеде бірінші көмекке ас содасы келеді.

• Раковинаға 3 ас қасық ас содасын салып, үстінен қайнаған ыстық су құйыңыз. Ас содасы құбырдағы майларды ерітіп тазалайды.

• Осы мөлшердегі ас содасы мен сірке суын стаканға салып, су қосамыз. 10-15 минутқа қалдырып, дайын болғасын раковинаға құямыз. Үстінен және ыстық су құю қажет. Бұл тәсілден соң құбырда химиялық реакция болып, майлар ери бастайды. 

• Бір стаканға ас содасы, сірке су және кір жуатын ұнтақты араластырып аламыз. 20-30 минуттан соң ыстық сумен раковинаны жақсылап жуамыз.