Әлемде демократияның жағдайы жыл санап нашарлап келеді. 2024 жылғы демократия рейтингісін жасаған The Economist  ұйымының сарапшылары осындай қорытынды жасап отыр. 

Аталған индекс 2006 жылдан бері жасалып келеді. Сол жылы демократия индексінің орташа баллы 5,52-ні  құраса, былтыр ол 5,17-ге төмендеген. Рейтингте ең жоғары балл 10-ды құрайды. Сонымен бірге сарапшылар мемлекеттердегі демократияның деңгейін толық демократия, толық емес демократия, авторитарлы режим деп бөлген. 

Былтыр демократиялық деп танылған елдердің саны 76-дан 71 –ге төмендеген. Ал керісінше, авторитарлы режим орнаған елдердің саны 50–ден 60-ға көбейген. 

Рейтингте бірінші орынды Норвегия иеленді (9,81 балл). Екінші орынды Жаңа Зеландия алды (9,61 балл). Тізімге еуропалық елдер осыдан кейін қосылады: Швеция, Исландия, Швейцария, Финляндия, Дания, Ирландия, Нидерланды және Люксембург.

Ең соңғы орында тұрған Ауғанстанның баллы-- 0,25. Одан жоғарырақта Мьянма, Солтүстік Корея тұр. 

Қырғыздардың демократиясы қазақтардан жақсырақ екен. Қырғызстан тізімде 111-ші орынды, Қазақстан--118-орынды иеленді. Ресей 150-шы орында тұр. Беларусь одан да төменде --152-ші орында. 

Рейтингте демократиясы ең нашар 10 елдің қатарына Орталық Азиядан Түркіменстан мен Тәжікстан енді.