Жігіт пен қыз үйленбей тұрып бір-біріне қоюы тиіс сұрақтар

Oinet.kz 21-02-2019 1409

Кез келген жігіт пен қыздың арманы – бақытты отбасын құру, артынан ізгі ұрпақ қалдыру. Бұл тұрғыда әуел бастан ойланып, дұрыс таңдау жасаған жөн. Ол үшін ер адам мен әйел бір-бірімен түсінісе білулері керек. Өмірге деген көзқарастары мен мақсаттары, ниеттері бір болуы тиіс. Ертеңгі күні таңдауларына өкініп қалмас үшін екеуі бір-біріне төмендегідей сұрақтарды қойғаны дұрыс. 

1487675464_l-800x445.jpg

Жігіттің қызға қояр сұрақтары: 

Дінімізде әйел адамға басқа ер адамдардың көзінше ашық-шашық киініп жүруге тыйым салған. Оған қалай қарайсыз?

Егер отбасында қандай да бір қиыншылық кездессе (ақша жетпесе, қалаған киіміңізді ала алмасаңыз, тамағыңызды жей алмасаңыз) соған шыдай аласыз ба? 

Әйел мен ер адам сұлулық немесе байлықтары үшін емес, жан сұлулығына қарап үйлену керек дегенге қалай қарайсыз? 

Әйел күйеуінің айтқандарын орындап, оған бағынуы керек дегенге көзқарасыңыз қандай?

Ерлі-зайыптылардың арасында реніш, түсініспеушілік болып қалса, оны шешудің жолдары қандай деп ойлайсыз?

Егер адам өз қателігін түсініп, кешірім сұрап тұрса, оңай кешіресіз бе?

Қыздың жігітке қоятын сұрақтары: 

Ер адам – отбасының асыраушысы, әйелі мен бала-шағасын материалдық тұрғыдан қамтамасыз етуге міндетті ме?

Күйеуі әйеліне қол көтере ала ма?

Әйелдің жұмыс істеуіне қалай қарайсыз?

Отбасындағы шаруалар мен бала тәрбиесі тек әйелдің мойнында ма?

Дереккөз: massaget.kz

Тәртіпке бағынбайтын баланы қалай тәрбиелеу керек?
Бала сабақ оқу үшін не істеу керек?
Сәйкес тақырыптар
Көтерілу