Астанаға

Астана боп атандың,

Атыңа сай бол ендеше.

Көркіңді көрген жаhанның

Айызы қансын сен десе.

Тамсанып ұшан қиырдан

Әлемге асыр даңқыңды,

Тақ,

Саған енді бұйырады,

Ал басқар туған халқыңды.

Құптамас мұны жерім жоқ,

Бас қалам өзің, ықтияр,

Енді сен қазақ төрі боп,

Төріңде отыр мықтылар.

Ордалы орны билердің

Мәртебең өсті мың есе,

Дәрежең артқан біл деймін,

Алматым арқа сүйесе,

Бүгіннен асса ертеңің,

Өзіңнен мият таба алар,

Ажарын келтір өлкеңнің,

Қазақ жоқ сенен аянар.

Міндет тұр биік алдыңа

Ұмытпа есте сақталар,

Әр халық дәстүр салтына

Астанасымен мақтанар.