Мұқағали Мақатаев. «Бақытым менің алыста»

Oinet.kz 29-08-2019 958

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Алданбайын арзанқол жұбанышқа,

Алданып жұбанышқа, құрақ үшпа!

Қазір менен қашықтап куаныш та,

Әйтеуір, бір бақытым тұр алыста.

Белгісіз жетем бе оған, жетпеймін бе,

Қалам ба орта жолда жетпей мүлде?

Әйтеуір, бір бақытым тұр алыста,

Көрем бе, көгерем бе, көктеймін бе?!

Болғанмен қанша мұңым,қанша қайғым,

Іздеуден бақытымды шаршамаймын.

Өмірім,берер болсаң, ұзағынан,

Өткінші бақытты мен аңсамаймын.

Өмірім!

Сен деп келгем, сен деп келгем!

Ақ еділ арманымды теңдеп келгем.

Айырма алыстағы бақытымнан

Армандағы аңсап көрген, шөлдеп көрген

Жылдардың ұзаруда тізбектері,

Жаз өтті.бара жатыр күз де өткелі.

Қыс та өтер,қыспен бірге мен де өтермін...

Бақытым жүрсе болды іздеп мені.

Мұқағали Мақатаев. «Тілегім қайда менің көкке өрлеген»
Мұқағали Мақатаев. «Ей, менің қиын өткелім»
Сәйкес тақырыптар
Көтерілу