Тасқа да жазған бұл өлең,

Басқа да жазған бұл өлең!

Таспаға жазған бұл өлең,

Баспаға жазған бұл өлең,

Əнге де жаздым өлеңді,

Нəнге де жаздым өлеңді!

Тілге де жаздым өлеңді,

Гүлге де жаздым өлеңді...

Жазам деп өлең жазғам жоқ,

Өзінен-өзі маздауда от...

Ермегіне елдің айналды,

Кермеде тұрған Азбан көк!

Шындық па?

Шындық жоқ елде...

Таппайсың тіпті оны емге!

Музаны ғана сүйем деп,

Өтірік айттым өлеңге!