Сезіммен мен ақтардым бүгін барлық сырымды,

Ұлы ұстазым, өзіңізге арнадым бұл жырымды.

Жаманымды жасырдыңыз, жақсы ісімді - асырып,

Оқушылар арасында көтердіңіз құнымды.

Үйреттіңіз қырлары мен сырларын бұл өмірдің,

Гүлдетіп сіз жайнаттыңыз әсем бағын көңілдің.

Сыңғырлаған дауысыңыз естілгенде біздерге,

Күлім қағып кетеді ғой, кеудедегі қайғы-мұң.

Сыныптағы ұл-қыздарға анасындай болып сіз,

Су орнына шөлді басар сусын-білім бердіңіз.

Болашаққа тәрбиелеп, үлгілі қып ұшырған,

Ұлы ұстазым, өзіңізге ризамыз бәріміз.