Алып жатқан үлкен жерді көлемді,

Аппақ алтын - жайнап өскен мақта бар.

Құшағыңда бүршік жардым, гүлдедім,

Қасиетті туған жерім - Мақтаарал.

Туған жерім бесігіңде тербеліп,

Жаңға жайлы әлдиіңді тыңдадым.

Махаббатың өміріме нәр беріп,

Жайнап өсіп, арайланды жыр-бағым.

Табиғатым - жер бетінің жұмағы,

Өнер сүйер көпшіліктің тұрағы.

Жүрегімде жалын атқан бір сезім,

Тек өзіңді сағындырып тұрады.

Келді уақыт жан сырымды ақтарар,

Туған жерім бүлдіршінін аққа орар.

Сен бар болсаң - мен өлмеспін ешқашан,

Жүз жасағын, мың жасағын, Мақтаарал!