Жаңа жылды ертегі әлемінде қарсы алайық

Oinet.kz 01-07-2019 1441

foto-novyj-god-2019_rect_b912bb07aae6ce9e69b2db5142aac17a.jpg

Шығу.

 Жүргізуші:     

Жаңа жылдың таңы неткен арайлы, 

Ақ мамық орап алды маңайды. 

Армысыңдар,  халайық, 

Бармысыңдар, халайық, 

Жаңа жылды жұп жазбай, 

Бірге қарсы алайық! 

1 бала: 

Тілеймін мен бар әлемге, 

Дос көп болсын жаңа жыл. 

Ата-әже, ана-әке 

Құтты болсын жаңа жыл! 

2 бала: 

Жаңа жылым мол болсын, 

Басқан қадам мол болсын. 

Төрле, төрле, жаңа жыл, 

Бізге құтты жол болсын! 

3 бала: 

Ойыншықтар мұншама, 

Кім ілді екен соншама. 

Алақай, айнала түрленді, 

Балақай, ән айтамыз, 

Би биле, тұрма енді. 

  Ән «Қыс» (Залдың бір шетіндегі үйшік жанында 7 лақ пен ешкі) 

Жүргізуші:   

Міне, балақайлар, ертегі әлеміне келіп қалдық. 

1 лақ:  

Апатай-ау, апатай, 

Таяп қалды жаңа-жыл

 Әзірлейік ән мен жыр,

 мә-мә! 

2 лақ: 

Сен орманға барсаңшы, 

Сыйлық таңдап алсаңшы, 

мә-мә! 

3 лақ: 

Біз баламыз әркез сақ, 

Әкел бізге көп моншақ, 

мә-мә! 

4 лақ: 

Ақ моншақты тағайын, 

Сауық сайран салайын, 

мә-мә! 

5 лақ: 

Апатай-ау, апатай, 

Біз ақылды баламыз, 

Айтқан тілді аламыз, 

мә-мә! 

6 лақ: 

Келіп қалды Аяз ата, 

Би билеп, ән салайық, 

мә-мә! 

7 лақ: 

Жаңа жылға қатысып,

 Сыйлық алғым келеді. 

Орманға тез барсаңшы, 

Аяз ата алып келсеңші! 

Ешкі: 

Лақтарым, шырақтарым, 

Орманға мен барайын, 

Сыйлық таңдап алайын, 

Сақ болыңдар әркез тек, 

Қасқыр келіп қалмасын, 

Тойдың шырқын алмасын. 

Лақтар: 

Біз ешкімге есік ашпаймыз. 

Жүргізуші: 

Солай ешкі лақтарына абай болуды айтып, сыйлық алуға шықты. Сол кезде Ақшақарды кездестірді. 

Ақшақар: Сәлеметсің бе, ешкі? 

Ешкі:Сәлеметсіз бе, Ақшақар! 

Ақшақар: Жасыл шырша орманда, Бізге арнайы келіпті. Ойыншықты балалар, Шыршаға әсем іліпті. Әсем шырша сәнденген, Өз аңдарын күтеді. Ешкі: Тектен-текке тұрмайын, Жаңа жылға біз дайын. Лақтарыммен бірге, Шырша әнін жырлайын. Жүргізуші: Ешкі мен Ақшақар ешкінің үйіне лақтарын шыршаға шақыруға бет алды. Қасқыр: Лақтарым, шырақтарым, Есік аш қарақтарым. Мамаң келді орманнан, Сендерге сыйлық әкелді. Ешкі: Ей, сұм қасқыр, тиме лақтарыма! Ақшақар: Онанда бізбен жаңа жылды тойлауға жүр. 

2.   «Кішкентай шырша» хоровод әні. (Әннен кейін түлкі бауырсақты қуып шығады).

 Бауырсақ: 

Тимеші маған, 

Жемеші мені, 

Жаңа жылды тойлауға мен де барамын. 

Асыр салып, би билеп, 

Қошеметке қаламын. 

Түлкі: Жоқ, мен сені жеймін. 

Ақшақар:

 Түлкі, сен бауырсақты жеме, оданда жаңа жыл шыршасына қарашы, мұнда аңдар, балалар жиналған, кел бірге тойлайық. 

Түлкі:  Маған бір ой келді, онанда ойын ойнап, көңіл көтерейік. 

3. Ойын: «Кім тез қаршаларды жинайды?» 

(Жүргізуші ойын шартын түсіндіреді. Бауырсақ, түлкі командасы болып ойнайды). 

(Ойыннан соң Мақта қыз мысығын іздеп шығады). 

Ақшақар:Сәлем, Мақта қыз. 

Мақта қыз: Сәлеметсіңдер ме?! Мен мысығымды іздеп жүрмін. Жүргізуші:  Сен қапа болма, біздің балалар, аңдарымыз мысығың туралы ән  айтса келіп қалар. 

4.      Ән «Мысығым». Мысық: Мақта қыз, сенімен кездескеніме қуанамын, мен де жаңа жылға барамын. 

Ақшақар:  Аңдар болса жиналды, шыршамыз дайын, Аяз ата болса әлі жоқ. Жүргізуші:  Ақшақар, мұңайма, қанекей бәріміз бірге дауыстап Аяз атаны шақырайық. 1,2,3  Аяз ата!!! (3 рет). 

Аяз ата:  

Сәлеметсіз бе, балаларым, 

Балаларым балғыным, 

Өмір гүлім, шалғыным. 

Тілейтінім жыл бойы, 

Сендердің денсаулығың. 

Мені көп күткен шығарсыңдар, 

мен алыс-алыс жолдардан келемін, 

менің  балғындарым маған не әзірлеп қойды екен. 

Ақшақар:Аяз ата, балалар, аңдар сізге ән, тақпақтар дайындаған, бірінші шыршамызды жағып алайық, қанекей бірге… 

Бәрі бірге:   «Қуант бізді таңырқат, Шамдарыңды жарқырат!» 

5.  Ән хороводы: «Аяз ата». Жүргізуші:  Аяз ата, енді тақпақтар тыңдаңыз. 

6.  Тақпақтар. Аяз ата:  Балаларым, рахмет! Жарайсыңдар! Ақшақар: Аюлар келіп қалыпты, неге ренжісіп тұрсыңдар? 1 аю: Мен қоңыр аю, қоңыр аю, Бөліспеймін балымды, Бір өзім-ақ жеп қоямын. 2 аю: Бұл менікі, бермеймін, еш бөліспеймін. Жүргізуші:Ай, аюлар, аюлар, Егер балды бөліспесеңдер, Мақтаншақ деп ат қоямыз. Онанда келіңдер, ән айтып, би билеп Аяз атадан сыйлық алыңдар. 

7.      Хоровод биі «Жаңа жыл». Аяз ата:Е, керемет десеңші, қандай көңілді, мынадай шырша тойында қалай сендерге сыйлық таратпасқа. Қызым Ақшақар, қапшықты әкеле ғой. (Қапшықтың қасына жылан тығылып қалады). 

Ақшақар:  Ой, мынау не? Жылан ғой! Жылан:Мені ұмытып барасыңдар ма, бұл жыл жылан жылы, ол мына – мен. Кім мен туралы тақпақтар айтса, қапшықты беремін. 1 бала: 

Отырмайсың, тұрмайсың, 

Түзу жолда бұраңдайсың. 

2 бала: 

 Аяз сүйіп қарсы алған, 

Жылдың аппақ тұлғасы. 

Қыстың айы қаңтардан, 

Басталады  жылан жылы – жылбасы.

 Аяз ата: 

Кел, жыланым, Ақшақарым. 

Балалар сыйлықты күтіп қалды, 

таратайық! 

(Сыйлық үлестіру).

 Рахмет айту.

Мен және менің жасөспірім балам(дөңгелек үстел)
Балабақшадағы музыкалық ойындар
Сәйкес тақырыптар
Көтерілу