Достық әлсізденген сайын, сыпайылық арта түседі

***

Үндемеу – бейтараптықтың белгісі емес. Іші бос қалбыр ғана даңғырлайды. 

***

Балдың тым тәтті болғаны сонша, түбі қышқыл бола бастайды. Көп жесең, дәм сезуден қаласың. 

***

Көңіліңе ыстық болса, болмашыға ренжисің. 

***

Жер-ана дана, баласы санасыз. 

***

Аз сөз алтын, салмағы сезіледі. 

***

Махаббат соңынан жүгіргендерден безеді, өзінен қашқандардың мойнына асылады. 

***

Ақымақтық пен даналық жұқпалы дерт сияқты тез сіңеді. Сондықтан жолдасты көзіңді ашып таңда. 

***

Тозақ бос қапты. Шайтанның бәрі жер бетінде жүр. 

***

Көп адам даналықтан гөрі ақымақтықты таңдайды. Себебі, ақымақтық күлдіреді, даналық жылатады. 

***

Ер азамат көңілі қызға ауғанда сәуір секілді. Үйленген соң мінезі желтоқсанға айналады. 

***

Рахат өмірге деген үміттің өзі ләззат алудан бір кем емес. 

***

Дұшпаныңа жаққан отқа майды көп құя берме. Сол пеште өзің өртеніп кету қауіпін ешқашан естен шығарма. 

***

Сөздің өткірлігі айтушының тілінен гөрі тыңдаушының құйма құлағына тікелей байланысты. 

***

Есім не береді? Раушангүлден раушангүлдің жұпары аңқиды, оны басқа атаумен атасаң да.

***

Әр қитұрқылықтың өз түйсігі бар. 

***

Сұлулық көз сүріндіреді, ғашық етеді, бірақ тек жанын ғана сүйе аласың. 

*** 

Қарға қанатын былғаса да ешкім байқамайды, ал аққуға дақ түссе, ешқашан кетіре алмас. 

***

Бір көзқараспен махаббатты өлтіріп алуға болады. Сондай-ақ, бір көзқараспен оны қайтып тірілте аласың. 

***

Қорқақ күнде өледі, батыр бір-ақ рет өледі. 

***

Аяқтың астында тапталған жәндіктің азабы ірі мақұлықтың өлімінен бір кем емес. 

***

Жетістікке жетудің үш ережесі: өзгелерден артық білу, өзгелерден көп еңбектену, өзгелер күткеннен азға үміт ету.

***

Дүниеде жақсылық та, жамандық та жоқ. Тек әр адамның белгілі бір жағдайға деген әсерленуі бар. 

***

Ең жақсысы – бетке айтылған ақиқат. 

***

Боранды күні берілген уәде тынық күні ұмытылады. 

***

Өзгенің күнәсін паш етуге асықпаңыз, өз күнәңізді санасаңыз, өзгенікіне жетпей қаласыз.