Ұят - иманның қабы.

Әдеп - ар жемісі,

Ұят - адамдық белгісі.

Жүзі қараның жүзі таймайды.

Көзді ұялу үшін берген.

Ұят қашты дегенше, 

Етегін ашты дей бер.

Пасықта ұят, зұлымда опа жоқ.

Қызыл ет кетер,

Қызарған бет қалар.

Бетіне келген ұятын,

Өзі біліп жуса игі.

Тастақ жерде от болмас,

Қышыма тазда ұят болмас.

Қарабет жазылмайды,

Жара бет жазылады.

Өз бетін аямаған,

Кісі бетін шиедей етеді.

Ыстықтан ет күйеді,

Ұяттан бет күйеді.