ҚР Көлік министрі Нұрлан Сауранбаев FlyArystan әуе компаниясының бұрынғы қызметкері жариялаған әуе билеттеріне қатысты ақпараттың тексеріліп жатқанын мәлімдеді деп жазады Оinet.kz ақрараттық порталы.

Оның айтуынша, овербукинг – әлемнің көптеген елдерінде қолданылатын тетік. Сонымен қатар, БАҚ-та тараған мәліметтерге байланысты Азаматтық авиация комитеті тиісті тексеру жұмыстарын бастаған.

— Бұл ақпараттың қаншалықты шындыққа жанасатыны тексеріс барысында анықталады. Нәтижесі жарияланады, — деді Көлік министрі.

Айта кетейік, бұған дейін FlyArystan әуе компаниясының бұрынғы қызметкері Ренат Абулханов Air Astana топ-менеджерлерінің мүддесіне әуе билеттері жеңілдікпен сатылғанын мәлімдеген болатын.