Алматы облысы Полициясының таратқан ақпаратына қарағанда, Хасан Қасымбаев 2 қарашада үш жыл бұрын жасалған қылмысқа күдікті ретінде ұсталған.

”2024 жылғы 2 қарашада Азамат Қ. 2021 жылы маусымда денсаулыққа қасақана ауыр зиян келтіру, азамат А-ны ұрлау күдігімен уақытша ұстау изоляторына қамалды. Қазіргі уақытта қылмыстың мән-жайын жан-жақты, толық, объективті түрде қамтамасыз ету үшін кешенді тергеу амалдары жүріп жатыр. Іс материалдары сотқа бұлтартпау шарасы үшін жолданды. Тергеу облыстық полиция департаменті басшысының бақылауында” делінген ПД хабарламасында.

Хасан Қасымбаевтың аты жуырда Талғарда Шерзат Болаттың өлмінен кейін ел арасында «Хутор» деп аталатын қылмыстық топтың жетекшісі ретінде  кең таралып кеткен болатын.