Қазақстанда президент сайлауын кімдер бақылайды?

Vybory-2.jpg

Кезектен тыс президент сайлауына 67 халықаралық байқаушы аккредитттелді. Бұл туралы бүгін Орталық сайлау комиссиясының мүшесі Зәуреш Баймолдина мәлімдеді, деп хабарлайды Sputnik Қазақстан.

Орталық сайлау комиссиясы 9 маусымда өтетін кезектен тыс президент сайлауына халықаралық ұйымның байқаушыларын аккредиттеу туралы қаулы қабылдады.

Бүгінгі таңда президент сайлауына 67 халықаралық байқаушы аккредиттелген. Олардың 22-сі ЕҚЫҰ/ДИАҚБ миссиясының құрамындағы байқаушы.

"2019 жылы 8 мамырда Сыртқы істер министрлігінен Еуропадағы қауіпсіздік және ынтымақтастық ұйымы демократиялық институттар және адам құқықтары бюросы миссиясының 22 ұзақ мерзімді байқаушысын аккредиттеуге ұсыныс келіп түсті. Олардың барлығы аккредиттеуге шығарылып отыр", - деді Баймолдина ОСК отырысында.

Шет мемлекеттер мен халықаралық ұйымдардың байқаушыларын аккредиттеу 3 маусым күні сағат 18:00-ге дейін созылады.

Аккредиттеуге ұсыныстардың келіп түсуіне қарай байқаушылар жөніндегі деректер жаңартылып отырады.

Бұған дейін Орталық сайлау комиссиясы 4 халықаралық ұйымнан 45 байқаушыны аккредиттегенін хабарлаған еді.

Screenshot_1.jpg

Мүмкін сізді қызықтыратын тақырыптар:

  • Түркістанда полиция қызметкері суға секіріп кеткен қызды құтқарып қалды
  • Зеленский шенеуніктерге өз кабинеттерінде президент суретін ілуді доғару қажеттігін айтты
  • Назарбаев: «Сайлауға түссем, жеңіске жететініме 100 пайыз сенімдімін»
  • Қазақстанда сайлаудан кейін девальвация болуы мүмкін бе?
  • Дональд Трамп Қазақстанның тұңғыш Президентіне хат жолдады