Елімізде балабақшадағы бүлдіршіндердің 76 пайызы мемлекеттік тілде тәлім-тәрбие алып жатыр. Бұл туралы ҚР Білім және ғылым министрі Асхат Аймағамбетов мәлім етті, деп хабарлайды Oinet.kz тілшісі ҚазАқпарат сайтына сілтеме жасап.

«Соңғы жылдары мектепте қазақ сыныбында оқитын оқушылардың саны аса өсіп жатқан жоқ. Сондықтан осы бағыттағы жұмысқа назар салған жөн. Біз балаларды мемлекеттік тілдегі білім ұясына ынталандыру, насихаттау арқылы тартуымыз керек. Мәжбүрлеуге болмайды. Яғни, қазақ тілінде оқудың қаншалықты пайдалы екеніне, оның нәтижесіне көз жеткізу арқылы дәріптеуіміз керек», - деді Асхат Аймағамбетов «Мемлекеттік тілді ғылым тіліне айналдыру» атты дөңгелек үстелде сөйлеген сөзінде. .