Мәжіліс депутаты Аманжан Жамалов премьер-министр Асқар Маминнен Шымкент әуежайын сату бойынша тендерге қатысушыларды тексеруді және өтінімдерді қабылдау мерзімін қайта қарауды сұрады, деп хабарлайды Oinet.kz тілшісі Stan.kz ақпарат агенттігіне сілтеме жасап. 

Бесінші қазанда Шымкент әуежайын 5,2 миллиард теңгеге (12,3 миллион доллар) сату туралы хабарландыру пайда болды. Тиісті хабарландыру мемлекеттік мүлік тізілімі сайтында жарияланды.

Палатаның жалпы отырысында мәжілісмен мемлекеттік органдар стратегиялық нысандарды қатысушыларды тиісті іріктеусіз жиі жеке меншікке беретінін мәлімдеді.

Ол Шымкент қаласының жолаушылар көлігі және автомобиль жолдары басқармасы тендер жариялағанын, онда сенімгерлік басқару мерзімі 10 жылды құрайтынын, ал тендерге өтінімдердің өзі үш апта ғана - 18 қыркүйектен 8 қазанға дейін қабылданатынын атап өтті.

"Бұл байқауды тез әрі шусыз өткізген біреуге тиімді сияқты болып көрінеді. Таңқаларлығы, байқауға азаматтар мен жеке кәсіпкерлер де қатыса алады. Бір жеке тұлға бүкіл әуежайды қалай басқара алады?  Бұл қала әуежайының болашағына күмән келтіреді.  Сонымен қатар, сарапшылардың бағалауы бойынша, 5,2 миллиард теңге бастапқы баға мұндай нысан үшін өте төмен болуы мүмкін", - деді мәжіліс депутаты.

Аманжан Жамалов нысанның стратегиялық маңыздылығын ескере отырып, үкімет Шымкент әуежайын сатып алу құқығымен сенімгерлік басқаруға беру жөніндегі тендерге өтінімдерді қабылдау мерзімін ұзартуы қажет екенін атап өтті. Сондай-ақ, депутат министрлер кабинетінің басшысынан әлеуетті тендерге қатысушылар үшін біліктілік талаптарын қайта қарауды және объектінің құнына қайта тәуелсіз бағалау жүргізуді сұрады.