Гүлнәр Салықбай. «Қандай қызық көктем менен кездескен»

Oinet.kz 19-09-2018 712

image-03-03-17-05-37-800x480.jpg

Қандай қызық көктем менен кездескен –

Бақыттан жылаған.

Күрсіндіріп, күз келгенін сезбестен,

Күнге ұнаған...


Қандай қызық көктемменен кездескен –

Қимай қарасқан.

Ақыл-ойдың ну орманын кез бестен,

Адасқан...


Қандай қызық орамалмен кездескен –

Сүрткен көзіңді.

Һəм шығару ертең ерер сөзді естен

Жəне өзіңді.


Қандай қызық орындық пен кездескен –

Теңізге қараған.

Тіршіліктің тізіміне енбестен,

Сағат санаған...


Қандай қызық ағын менен кездескен –

Алыс сүйреген.

Берекесіз дүниеден безбестен,

Қайта билеген.


Қандай қызық жапырақ пен кездескен –

Жаңа таңы атқан.

Көшелерде күндіз-түні көз көшкен

Күліп баратқан...


Қандай қызық қызғалдақ пен кездескен –

Саған терілген.

Содан кейін самал желге жолда ескен

Жақсы көрілген.


Қандай қызық теңіз бенен кездескен –

Тұзды су алған.

Ешкімгеде, ештеңеге сенбестен,

Қуанған...

Гүлнәр Салықбай. «Қашайықшы барлық қиын сұрақтан...»
Гүлнәр Салықбай. «Ішінде арман-ағыстың...»
Сәйкес тақырыптар
Көтерілу