Гүлнәр Салықбай. «Қашайықшы барлық қиын сұрақтан...»

Oinet.kz 19-09-2018 1125

image-03-03-17-05-37-800x480.jpg

Қашайықшы барлық қиын сұрақтан,

Қишы маған ұйқыңды.

Қарашы, анау балағынан кірі аққан

Қала қандай сүйкімді!


Қашайықшы, айдалаға, адасып,

Ашайықшы басқа əлемнің есігін.

Ешкім бізді іздемесін жаны ашып,

Ешкім бізден сұрамасын кешірім...


Өтіп жатқан күніміздің көбі өлең –

Жылыстайық ақырын.

Ешкім бізге қарап тұрып төбеден,

Лақтырмасын ақылын.


Ешбір адам аямасын біздерді –

Сенгендері сатты деп.

Өшірейік бар азапты іздерді,

Басқаларға бақ тілеп.


Қашайықшы, құдай үшін, ерінбе.

Жүріп тұр ма көлігің?

Əлде мені құтқаруға сенің де

Шаппай тұр ма көңілің?

«Мен есейгенде...»
Гүлнәр Салықбай. «Қандай қызық көктем менен кездескен»
Сәйкес тақырыптар
Көтерілу