8 жұмысшысы бар мекемеде құжат жүзінде 270 адам жұмыс істейді

Oinet.kz 26-09-2019 944

Картинки по запросу прокуратура

Шымкент қаласында небәрі 8 жұмысшысы бар мекеме қажетті 270 жұмысшыны жалған көрсетіп отырған. Мемлекеттен бөлінген 210 млн теңгеге бүкіл Қаратау ауданына санитарлық тазалау қызметін көрсетуде, деп хабарлайды OINET.KZ сайтының тілшісі inform.kz сайтына сілтеме жасап.

Тұрмыстық қалдықтарды жинау мен санитарлық тазалау қызметтеріне тексеру жүргізген прокурорлар бірқатар кемшіліктерді анықтады. Қала прокуроры Мақсат Қожабаевтың сөзінше, тазалыққа жауапты жекелеген мекемелер өз жұмысшыларының санын 35 есе артық көрсетіп, жалған құжаттар жасап келген.

«Осындай заңсыздықтарға жол берген мекемелерді жеңімпаз ету аудан әкімдіктерінің әрекетсіздігі мен бақылаудың мүлдем жоқтығын көрсетеді. Жергілікті атқарушы органдар жұмысының кемшілігінен 50-ден астам кездейсоқ қоқыс орындары анықталған. Алайда осындай олқылықтар үшін бір жылдан астам уақыт бойы бір де бір тұлға әкімшілік жауапкершілікке тартылмаған», - деп мәлімдеді Шымкент қалалық прокуратурасы.

Үшінші мегаполистің қоқыс ордасына айналуының тағы бір себебі - тазалау қызметін көрсететін мекемелердің талапқа сай болмаса да, мемлекеттік сатып алу конкурсында жеңімпаз атануы. Тексеру кезінде олардың қажетті техникалары жоқ, жұмысшылары да жетіспейтіні анықталған.

Қалада тұрмыстық қалдық тастау үшін қажетті 4 мың контейнердің орнына небәрі 2 мың контейнер ғана бар болып шықты. Жиын қорытындысымен жергілікті атқарушы және уәкілетті органдардың аталған бағыттағы қызметтерін қайта қарап, қала әкімінің атына ұсыныс енгізілді. Жекелеген өнім берушілердің әрекеттері бойынша процесуалдық шешім қабылданып жатыр.

Анасынан тізерлеп отырып кешірім сұраған жігіт елді сүйсіндірді(видео)
«Әр адамнан шайтанды көремін» деп пост жазған қыз көп ұзамай сәбиді өлтірген
Сәйкес тақырыптар
Көтерілу