23 қыркүйекте еліміздің басым бөлігінде қатты жел тұрып, аяз болуы мүмкін- деп хабарлайды Oіnet.kz порталы Казгидромет-ке сілтеме жасап

Солтүстік Қазақстан, Павлодар облыстарында кей жерлерде найзағай ойнап, секундына 23-30 метрге дейін желдің екпіні  күшейеді. Қостанай облысында тұман, бұршақ болуы мүмкін.

Атырау облысында желдің жылдамдығы секундына 23-28 метрге дейін жетеді. Жауын-шашын мен бұршақ жауады деп болжануда.

Шығыс Қазақстан облысында күн күркіреп, Ақтөбе облысында шаңды дауыл тұрады.

Қарағанды, Жамбыл, Қызылорда облыстарында желдің жылдамдығы секундына 15-20 метрге жетеді деп күтілуде. Жамбыл облысында кей жерлерде бұршақ жаууы мүмкін.

Түркістан облысында желдің екпіні секундына 15-20 метрге дейін күшейіп,  дауыл болуы мүмкін. 

Алматы облысында таңертең және күндіз найзағай ойнайды. Ақмола, Қостанай, Солтүстік Қазақстан облыстарында түнде кей жерлерде 1-3 градусқа дейін аяз болады.

Қызылорда, Түркістан, Жамбыл, Қарағанды, Батыс Қазақстан, Шығыс Қазақстан облыстарының жекелеген аймағында төтенше өрт қаупі сақталады.