Instagram-дағы Elbasy_live парақшасында Назарбаевтар әулиетінің қажылықта жүрген бейнежазбасы жарияланды. Видеодан Назарбаевтың қыздары Дариға, Әлия Назарбаевалардың, қамауда отырған Қайрат Сатыбалдыұлының және қазір төсек тартып жатқан Болат Назарбаевтың қасиетті жерде құлшылық жасап, Құдайдан кешірім сұрап жүрген сәттерін көруге болады. 

Коллаж Халық үні порталынан

Аллаһ Қайрат Сатыбалдының ауырын жеңілдетіп, тәубесін қабыл етсін. Аллаһ Болат Әбішұлының дертіне дауа, ауруына шипа беріп, сол сынақ арқылы күнәларын кешкен болсын. Елбасының басқа да отбасы өкілдерінің амандығын беріп, алауыздықтан сақтасын. Бұл – өмір, ал өмірде қателеспейтін адам жоқ. Елбасы мен оның отбасын сынаудан бұрын осы сынақ сізге келмегеніне қуаныңыз. Дүние мен билік басыңа келсе, бас шашылып кетуі мүмкін. Біз қазақтар – ұлы бабалардың ұрпағымыз. Майдаланбайық және тәкаппарланбайық, сонда біз бір боламыз, - делінген жазбада.