Алматы облысындағы Бесағаш ауылында жоғалып кеткен қыз табылды. Қыздың табылғаны туралы ақпаратты қыздың туыстары растаған, деп хабарлайды Oinet.kz тілшісі Almaty.tv арнасына сілтеме жасап. 

Қыз жоғалып кеткен күні бейнебақылау камераларына белгісіз ер адаммен серуендеп жүргені түсіп қалған. 

Іздеу жұмыстарына көршілері мен еріктілер көмектескен, ал қыз жайлы ақпарат әлеуметтік желіде тарады. Сонымен қатар шұғыл түрде сүңгуірлер жұмылдырылып, Тасқұм көлінің түбін тексерілді. Ал ауылға жақын тау қыраттарын құтқарушылар мен кинологтар, полицейлер тексеріп шыққан.