Өткен аптада елімізде 3390 қылмыс жасалған, деп хабарлайды Oinet.kz тілшісі ҚазАқпаратқа сілтеме жасап. 

Бұлтуралы ҚР Ішкі істер министрлігінің өкілі Ақтоты Боранова ведомствоның онлайн бифингінде мәлім етті. 

«Бір апта ішінде 3390 қылмыс жасалды, оның 2036 тәулік ішінде ашылды. Полиция қызметкерлері «ізін суытпай» 7 кісі өлтіру қылмысын, өлімге әкеп соққан денсаулыққа қасақана ауыр зиян келтірудің 6 әрекетін, 1 қарақшылық қылмысын, 27 тонау және 512 бөтен мүлікті ұрлау қылмысын ашты», - деді министрлік өкілі. 

Сондай-ақ ол заңсыз майнингке қамқорлық жасап, борыштарды күшпен қайтарумен айналысқан қылмыстық топтың мүшелері ұсталғанын баяндады. 

Күдіктілер 5 өңірдің аумағында әрекет етіп, заңсыз майнинг фермаларының жұмысынан ІТ-маманды еркінен тыс тартқаны белгілі болған. 

«Қылмыскерлер 36 жастағы ІТ-технологиялар саласының маманын қылмыстық «есепшотқа» тіркеп қойған. Оны қорқыту арқылы майнинг фермалардың жұмысын ұйымдастырып отырған. Заңсыз қару сақталған орындарды анықтау үшін оперативті тәсілдер қолдану кезінде қылмыстық топтың 3 мүшесі ұсталды. Тінту кезінде жедел уәкілдер қылмыс қарулар мен құраларынан бөлек жалпы құны 7 млн доллар болатын заңсыз майнигке қажет 6 000 қондырғы, Макаров тапаншасы және 3 жалған көлік нөмірі тәркіледі», - деді Ақтоты Боранова.