Шымкентте төбелес кезінде 19 жасар жігіт қайтыс болды. Оны өлтірген күдіктінің жасы 17-де, деп хабарлайды Oinet.kz тілшісі "Отырар" арнасына сілтеме жасап.

Өліммен аяқталған қылмыс оқиғасы 26 шілдеге қараған түні болған. Куәгерлердің айтуынша, күдікті үшкір затпен (болжам бойынша бұрағыш) екі соққы жұмсаған. 

Алған жарақатының салдарынан жігіт оқиға орнында көз жұмды. 

Құқық қорғау органдары күдіктіні қолға түсірді. Кей деректерге сәйкес, оның жасы небәрі 17-де. 

Қазіргі уақытта аталған факті бойынша тексеріс жүруде.