Мәскеу облысында ер адам кездесетін жігіттерін жиі ауыстырған қарындасын жұрттың көзінше пышақтап өлтірді, деп хабарлайды Stan.kz ақпарат агенттігі.

Тергеудің алдын-ала нұсқасы бойынша, қарындасы "үлгілі" әйел идеясына сәйкес келмеген.  

Мунир Асадов 40 жастағы Лейла Абасоваға  Котельникиде шабуыл жасаған. Ол әйелді көшеде ұстап алып, көкірегіне және ішіне бірнеше рет пышақ тығып, қаруын қарға лақтырып, қашып кеткен. Оқиға адамдардың көз алдында болған.

Таныстарының сөзінше, қайғылы оқиға қарсаңында Лейла анасына азаматтық жұбайымен қарым-қатынасын заңдастыруды жоспарлап отырғанын айтқан. Әйел жүкті екенін білген. Анасы қызының қуанышына ортақтаспаған және оны бұл әрекеттен бас тартуға көндіруге тырысқан.

Отбасына болашақ күйеу баланың шығу тегі ұнамаған, сондықтан Лейланың таңдауын мақұлдамаған. Алайда әйел шешімінен бас тартпаған. Содан кейін анасы Мунирге ( үлкен ұлына) бәрін айтуға мәжбүр болатынын және қарындасымен сөйлесуді сұрайтынын айтқан. Солай жасаған да сияқты. 

Куәгерлердің айтуынша, ер адам қарындасына тіл тигізіп, оны опасыз мұсылман деп атағаны бүкіл ауданға естілген.

"Ол "жеңіл жұрісті оңбаған" деп айқайлады", - деді куәгерлер.

Қазіргі уақытта шабуылшы ұсталды. Мунир Асадов өз кінәсін мойындады. Оның айтуынша, қарындасы өзіне лайықты нәрсені алды.

"Ол күнәқар болды", - деді ер адам.