29 желтоқсан күні кешке "Алматы-Өскемен" тас жолында жолаушылары бар автобус бұзылды. Адамдар жақын маңдағы елді мекенге эвакуацияланды, деп хабарлайды Oinet.kz. 

Көлік "Алматы-Үржар" бағыты бойынша "Алматы-Өскемен"автожолының 414 шақырымында істен шықты. Автобус салонында 37 жолаушы болған.

- Ауа - райының қолайсыздығын, яғни қатты аязды ескере отырып, адамдар ең жақын елді мекен-Сарқан қаласына эвакуацияланды. Қаза болғандар мен зардап шеккендер жоқ. Жолаушылардың ешқайсысы медициналық көмекке мұқтаж емес еді, - деп хабарлады өңірдің ТЖ департаментінің баспасөз қызметі.

Шақырту орнына Алматы облысының ТЖД (2 бірлік техникаға 4 қызметкер), Сарқан қаласының трассалық-медициналық құтқару пунктінің кезекші бригадасы (3 қызметкер және 1 бірлік техника), Сарқан қаласының Жедел медициналық жәрдем бригадасы (3 қызметкер және 1 бірлік техника), аудандық полиция бөлімі (3 қызметкер және 1 бірлік) шықты.

Посмотреть эту публикацию в Instagram

Публикация от Almatyobl_tjd (@almatyobl_tjd)