Қытай билігі ҚХР төрағасы Си Цзиньпин атынан Alibaba негізін қалаушы, елдегі ең бай адамдардың бірі саналатын Джек Маға соғыс жариялады. Бұл туралы The Wall Street Journal мақаласында жазылған,  деп хабарлайды Oinet.kz. 

Америкалық басылым жағдайдан хабары бар Қытай шенеуніктеріне сілтеме жасай отырып, Си Цзиньпин Ant Group (Alibaba-ның еншілес компаниясы) IPO процесін тоқтату туралы шешім қабылдағанын жазды, өйткені Джек Ма сын айтып, билікті ашуландырған.

Басылымның сұхбаттасушылары миллиардердің 24 қазанда Шанхайдағы сөйлеген сөзі Бейжіңде наразылықты тудырды, ол ҚХР төрағасына сілтеме жасап, елдегі жоғары технологиялар саласын реттейтін ережелерді сынға алды деп мәлімдеді. Си Цзиньпин мұндай сөздерді Alibaba басшысының өзінің жеке беделін нығайтуға және Қытайдың бақылаушы органдарының әрекеттеріне күмән келтіруге тырысуы деп қабылдады.

Бір дерек бойынша Си Цзиньпинге адам әлемдегі ең бай кісілердің тізіміне кіре ме, жоқ па бәрібір. ҚХР басшысы ең алдымен адамның бай болған кезде не істейтініне және мүдделерін мемлекет мүдделерімен салыстыруына назар аударады екен.

Ant-ті басқаратын Alibaba Group Holding Ltd. осы жылы Қытайдың ең қымбат компаниясы ретінде мәртебесін тағы да нығайтты, шамамен алты жыл ішінде нарықтық капиталдандыруды төрт есе арттырды.

Ant-тің қоғамдық нарыққа шығуы компанияның құнын 300 миллиардтан асырып, осылайша, оны Қытай және АҚШ-тың ірі банктерінен де қымбат етер еді. Сонымен қатар, Ant Group-тың биржаға шығуы тарихтағы ең ірі IPO болуы және 2019 жылдың соңында орнатылған 29,4 миллиард долларлық Saudi Aramco рекордын бұзуы мүмкін болды.

Алайда, 3 қарашада Шанхай қор биржасы компанияның акцияларын орналастыруды тоқтатты. Келесі күні Қытайдың бағалы қағаздарды бақылау комитеті "қаржылық-техникалық қадағалау шарттарының өзгеруіне" байланысты листингті тоқтата тұруды мақұлдағаны белгілі болды. Реттеуші орган асығыс орналастыру мемлекеттік реттеу жүйесінің құқықтық нормаларына негізделген бизнес жүргізу принциптеріне қайшы келеді деп мәлімдеді.