Бүгін Түркістан облысының аудан, қалаларында кестеге сәйкес, «Nur Otan» партиясы Түлкібас аудандық филиалының кезектен тыс XL  конференциясы өтті. 

Түлкібас аудандық филиалының кезектен тыс XL конференциясына партия филиалы төрағасы Нұрлан Мархабатұлы төрағалық етіп жүргізді. Конференция жұмысына бастауыш партия ұйымдарынан сайланған 53 делегаттың бәрі қатысты. Күн тәртібіне сай конференцияда төрт мәселе қаралды. Олар: «Nur Otan» партиясыТүлкібас аудандық филиалының сайлауалды бағдарламасын бекіту; Облыстық партиялық тізімге кандидаттарды бекіту және ұсыну; Түлкібас аудандық сайлау комиссиясына «Nur Otan» партиясынан ұсынылатын партиялық тізімді талқылау және бекіту;  «Nur Otan» партиясы Түркістан облыстық филиалының кезектен тыс XL конференциясына делегаттар сайлау туралы мәселелер талқыланды. 

Конференция барысында облысқа үміткер 8 кандидаттың арасында жария пікір сайыс өтті, жиын соңында делегаттар өз таңдауын жасап 4 үміткер облысқа ұсынылды. Аудандық праймеризде жоғары дауыс жинаған 34 үміткер аудандық партиялық кадрлық резервке алынды. «Nur Otan» партиясы Түркістан облыстық филиалының кезектен тыс XL конференциясына 8 делегат сайланды.