StanRadar порталына сілтеме жасаған 365 инфо сайты өзбек жазушысы Мамадали Махмудовтың (лақап аты – Эврил Турон) Өзбекстан астанасын Жизахқа, Шавкат Мирзиеевтің кіші отанына көшіруді ұсынғанын жазады.

— Ташкент қайда орналасқан? Өзбекстанның ең алыс жерінде! Облыстардан келу үшін адамдар уақыт пен көп ақша жұмсайды. Бұл қаражатқа зауыттар, фабрикалар, тіпті қалалар салуға болады, — деді Махмудов.

Есесіне Жизах, оның айтуынша, ең қолайлы жерде орналасқан және барлық азаматтар үшін ыңғайлы болатын еді.

Ол астананы Темуркент деп атауды ұсынды (Әмір Темірдің құрметіне).