Үкімет 2021 жылдың 1 қаңтарынан бастап қазақстандықтардың зейнетақысын қаншаға арттыруды жоспарлап отырғаны белгілі болды, - деп хабарлайды Oinet.kz тілшісі Tengrinews.kz сайтына сілтеме жасап.

- "Жасына байланысты және еңбек еткен жылдары үшін зейнетақы төлемдеріне бағытталған қаражат мөлшері 2021 жылдың 1 қаңтарынан бастап 7 пайызға арттыруды ескере отырып белгіленсін", - делінген "2021-2023 жылдарға арналған республикалық бюджет туралы" заң жобасында.

Заң жобасында Қазақстан Республикасының Президенті айқындаған мақсаттарға Ұлттық қордан республикалық бюджетке бір триллион теңге сомасында нысаналы трансферттің 2021 жылға арналған жоспарлары туралы хабарланды.

Еске салайық, 2020 жылы зейнетақы мөлшері екі есе өсті. Бірінші рет жоспарлы түрде 1 қаңтардан бастап зейнетақы мөлшері 7 пайызға артты, бұл ретте ең төменгі зейнетақы 38 636 теңге болды. Мемлекеттік базалық зейнетақы төлемінің мөлшері 5 пайызға артты, ал оның ең төменгі мөлшері 16 839 теңге болды.

Екінші рет сәуірде Президент Қасым-Жомарт Тоқаевтың тапсырмасы бойынша зейнетақылар мен барлық әлеуметтік төлемнің жылдық мәнде 10 пайызға индекстелді.