Тәуелсіздік күні мерекесі қарсаңында Қазақстан Республикасы президентінің жарлығымен  І дәрежелі «Барыс» орденімен Сара Назарбаева марапатталды. Бұл жөнінде Ақорда баспасөз қызметі хабарлады.

«І дәрежелі «Барыс» орденімен Парламент Мәжілісінің депутаты С.Абдрахманов, ғалым және қоғам қайраткері Ә.Ахметов, жазушы Т.Әбдікұлы, Қазақстан Республикасының Тұңғыш Президенті – Елбасы Кеңсесінің басшысы М.Қасымбеков, «М. Әуезов атындағы Оңтүстік Қазақстан мемлекеттік университеті» РМК бас ғылыми қызметкері М.Мырзахметұлы, «Бөбек» балалар қорының президенті С.Назарбаева, опера әншісі Б.Төлегенова марапатталды», - делінген жарияланған мәлімдемеде.

Бұдан бөлек, ғалым Асқар Жұмаділдаевқа, әншілер Димаш Құдайбергенов пен Тамара Асарға (Қазақстанның еңбек сіңірген қайраткері), Роза Рымбаевға (Қазақстанның Еңбек Ері) атақтары берілді.

Биыл Қасым-Жомарт Тоқаевтың жарлығымен әртүрлі сала бойынша 200-ге жуық адам «Отан», «Барыс», «Парасат», «Айбын» және тағыда басқа ордендермен марапатталды.