Нұр-Сұлтан қаласында биік терезеден құлап кеткен ер адам қаза болды, деп хабарлайды Oinet.kz тілшісі 

"21 маусымда қалалық жедел медициналық жәрдем стансасына көп қабатты үйден адамның құлауы туралы шақыру келіп түсті. Дәрігерлер бригадасы оқиға орнына келді. 1989 жылы туған ер адам, оны № 2 қалалық ауруханаға алып келді. Ер адам алып келген кезде өте ауыр күйде болды. Өкінішке қарай, ол алған жарақатынан көз жұмды.

Сол күні осы мекен-жайы бойынша тағы бір оқыс оқиға болды, өзіне қол жұмсауға тырысты. Бригада сол жерде болды, 1986 жылы туған әйел көпқабатты үйден құлады. Ол да № 2 қалалық ауруханаға жеткізілді. Қабылдау кезінде науқаста жамбас сынығы, жабық бас сүйек-ми жарақаты анықталды. Қазір пациентке барлық қажетті медициналық көмек толық көлемде көрсетіліп жатыр. Әйел палатада", - деді елорданың қоғамдық денсаулық сақтау басқармасында.

Нұр-Сұлтан полиция департаментінде ер адам мен әйел мас күйінде болғанын мәлімдеді.