Ақпан айында орын алған Қордай оқиғасынан кейін қызметінен босатылған Асқар Мырзахметовтің қазіргі уақытта қайда жүргені белгілі болды. Ол Жамбыл облысының әкімі лауазымынан кеткеннен кейін екі ай карантинде жатқан, деп хабарлайды Oinet.kz  Azattyq Rýhy басылымына сілтеме жасап.

Жамбыл облысы әкімінің ресми сайты Басылым таратқан ақпаратқа сәйкес, Асқар Мырзахметов Алматыда тұрып жатыр. Жамбыл облысының бұрынғы әкімінің Нұрбол есімді көмекшісі ол туралы қысқаша ақпарат берген. 

- Асқар Исабекұлы шетелде емес, Қазақстанда. Қандай кәсіппен айналысатынын білмеймін. Ақпан айында қызметтен кеткен соң екі айдай карантинде болды. Қызметте қайда болса, сонда тұрады ғой. Бірақ негізгі үйі Алматыда. Жеке шаруалары туралы білмеймін. Жұмысқа қатысты ғана хабарласып тұрамыз. Басқа мән-жайларды айта алмаймын. Ол кісінің өзіне хабарласып біліп берейін, - деді Нұрбол. 

Сонымен қатар, осыған дейін өткен жылы қазан айында бостандыққа шыққан бұрынғы экономика министрі Қуандық Бишімбаевтың қайда тұрып жатқанын және немен айналысып жүргенін жазған болатынбыз. Еске сала кетсек, 7 ақпанда Қордайда болған жаппай тәртіпсіздіктен кейін өңір басшысы Асқар Мырзахметов өз еркімен қызметінен кетуге өтініш берген еді. Оның орнына Жамбыл облысының әкімі болып, еліміздің вице-премьері болған Бердібек Сапарбаев тағайындалды.