Англияның Сейл қаласының тұрғыны қатерлі ісікке шалдыққан. Өлім аузында жатқан азамат өзі 22 жыл некелескен жарына жантебірентерлік хат арнады деп хабарлайды KAZ.NUR.KZ порталына сілтеме берген Oinet.kz. 

81 жастағы Норман Поллард, қатерлі ісіктің соңғы сатысымен ауырып, 84 жастағы әйелі Рене Фордтан оқшауланған. Ол өмір сүруіне аз уақыт қалды деп шешіп, Ренеге хат жазды. 

- "Қаншалықты ұзақ өмір сүретінімді білмеймін. Вирус менің жағдайымды нашарлатады. Оған бұл хатты беру мен үшін өте маңызды болды", - деді ол. 

Поллард Ренеге хатты апарып тастауға ниет білдірген еріктімен әңгіме барысында жары үшін уайымдайтынын сөз етті. 

- "Мен жоқ болып кеткен кезде оны қатты сағынатын боламын. Мұнда менсіз қалай күн кешетіні алаңдатады. Ол - менің өмірлік махаббатым. Мен үшін бәрін істеді. Мұның бәрін оған жеке айтқанмын. Алайда ода соңғы қоштасу хатымның болғанын қаладым. Ол оны қанша қаласа, сонша рет оқи алады", - деді ол. 

Хатты алған кезде Рене оның ол үшін қаншалықты маңызды екенін айтты. 

- "Норман жарқын адам. Ол маған сезімін білдірді. Мен ол туралы бұрыннан білетінмін, алайда хат мен үшін маңызды", - деді Рене.