Ұшақта дүние есігін ашқан балалар өмір бойы ұшақпен тегін ұшуға мүмкіндік ала алады деген түсінік бар. Аталған ақпарат шындыққа жанасады ма? Бұл ұғымның пайда болуы беке болмаса керек. Бұл туралы  Oinet.kz   KAZ.NUR.KZ порталына сілтеме бере отырып, хабарлайды.

Бұл ұғым әуелде бекер пайда болмаған. 1996 жылы Asia Pacific әуекомпаниясының бортында Могд Алиф есімді ұл бала дүниеге келген. Ал бір жылдан кейін дәл осындай жағдай қайталанып, өзге ұшақта Дарарасами Тонгхарон есімді қыз туады.

Екі сәби де өмір бойы азиялық әуе компанияларының ұшақтарында 90 пайыз жеңілдікпен ұшуға мүмкіндік алды.

Десе де жоғарыда айтылған екі жағдайда да әуекомпаниялар өз еркімен балаларға осындай сыйлық жасаған.

Алайда бүгінде әуекомпаниялардың басым бөлігі ай-күні жақындаған келіншектерге ұшаққа отыруға рұқсат бермейді. Бұл компанияның "қызғаншақтығына" байланысты емес.

Негізінде әуекомпаниялар керісінше, жолаушылардың қамын ойлап, денсаулығына алаңдайды. Сол себепті де олар әйелдердің толғақ кезінде артық күйзелісті басынан өткергенін қаламайды.